Charta qua Aymo dat monasterio Cluniacensi curtilum cum vinea in villa Marchesot.
In nomine Verbi incarnati. Noverint cuncti fideles, quod ego, in Dei nomine, Aymo dono ad locum Cluniacum, pro remedio animę meę, aliquid ex rebus meis quę sitę [sunt] in pago Maticensi, in villa Marchesot, curtilum unum cum vinea insimul tenente, qui terminat a mane terrę Anastasii, a medio die terrę Rayna, a sero terrę Sancti Petri, a certio via pulblica. Facio autem hanc donationem pro anima mea, ut semper in presenti omni tempore teneant rectores Sancti Petri, et fatiant quicquid facere voluerint. S. Aymonis. S. Vualdradę.
S. Heldiberti. S. Maingaudi. S. Constantii. S. Lanberti. Actum Marchesot, regnante Rotberto anno XII.